Առավոտյան ժամերին ՀՀ հակակոռուպցիոն կոմիտեն իրականացրել է խուզարկություն Գյումրու քաղաքապետարանի «Մայր Հայաստան» խմբակցության ղեկավար Կարեն Սիմոնյանի բնակության վայրում։
Խուզարկությունը կատարվում է «Հայաստան» դաշինքի համակիրների կողմից ընտրակաշառք տալու և ստանալու դեպքերի առթիվ նախաձեռնված քրեական վարույթի շրջանակում։
Կարեն Սիմոնյանը հայտնել է, որ չի կարող պարզաբանել, ինչ հենց վարույթի մասին է խոսքը։
Հիշեցնենք, որ Կարեն Սիմոնյանը «Հայաստան» դաշինքի նախընտրական ցուցակով պատգամավորի թեկնածու է՝ զբաղեցնելով ցուցակի 20-րդ հորիզոնականը։ Հունիսի 22-ին հակակոռուպցիոն կոմիտեն հրապարակել էր նաև ձայնագրություն, որտեղ հեռախոսազրույցի ընթացքում նշվում էր նրա անունը՝ կապված ենթադրյալ ընտրակաշառքի հետ։
